Денсаулық сақтау басқармасының баспасөз қызметі жағдайды түсіндірді. Бұл туралы ҚазАқпарат жазды.
"Облыстық перинаталдық орталықта қызылша инфекциясы тіркелмеді. Ауру еңбек демалысында баласымен бірге болған дәрігерден анықталды. Ол емдеу мекемесіндегі емделушілермен байланыста болмаған. Перинаталдық орталықта карантин енгізілмеді. Бірақ босанатын әйелдің қасына серіктес болып кіруге тыйым салынды", - деп хабарлады департамент.
Босануға серіктестің қатысуына жол берілдмейді, өйткені олар қызылшаға қарсы екпе алғанын растай алмайды дейді дәрігерлер.
"Қызылшаның инкубациялық кезеңі ұзақ, келушілердің бірі тасымалдаушы болуы мүмкін. Науқастар мен жаңа туған нәрестелердің денсаулығына қауіп төндірмеу үшін осындай шешім қабылданды", - деп түсіндірді баспасөз қызметі.
Қазақстанда қызылша инфекциясы наурыз айында көп тіркеле басталғанымен, оқу жылы басталған күзде жағдай ушыға түсті.
