Желіде Абай даңғылында "Легенда" тұрғын үй кешенінің маңында болған жол апатының видеосы пайда болды.
"Жүргізуші тежегішті баса алмай, тоқтай алмаған сияқты. Ол бірнеше көлікті соққан. Мүмкін біреу болды ма? Ол тірі ме?" – делінген видеоның астындағы сипаттамада.
Полицейлер бұл оқиғаға қатысты түсініктеме берді.
"Жол апаты Алмалы ауданында болды, зардап шеккендер жоқ", - деп хабарлады Zakon.kz тілшісіне полиция департаменті.
Полицейлер атап өткендей, жол апатының барлық мән-жайы анықталып жатыр.
Бұған дейін Алматы-Шымкент тас жолында ірі жол апаты болған еді. 25 адам жарақат алды.