Өңірдің климаттық ерекшеліктерін ескермеген көліктердің жанармайлары қатып, аккумуляторлары отырып қалған жағдайлар көп.
Республикалық маңыздағы М-36 "Екатеринбург-Алматы" күре жолындағы пайдалану учаскесінің қызметкерлері бүгін жолаушылар автобусын қаһарлы аяздан құтқарып қалды.
"Өзбекстаннан Ресейге бағыт алып, жолда тоқтап қалған автобустың ішінде 58 азамат болған. Жолшылар тез арада автобусқа жаңа аккумулятор жеткізіп, жылытып, оларға сапарларын жалғастыруға көмектесті. Абырой болғанда, медициналық көмекті қажет еткен, зардап шеккен адамдар жоқ", - делінген "ҚазАвтоЖол" хабарламасында.
