Саябақтың жөндеу жұмыстары ұзаққа созылатыны туралы әкімдіктің Instagram парақшасында 2024 жылғы 22 мамырда жарияланды.
Жазбада "Ұшқыштар училищесі скверін" абаттандыру бойынша жұмыстарды іске асыру жөніндегі мердігер ұйым "Мегастройспектр" ЖШС екендігі аталып өтілді.
Келісім-шартқа сәйкес жұмыстар 2023 жылдың желтоқсанында аяқталуы керек болған.
"Мегастройспектр" ЖШС жұмысты мерзімінде аяқтамауына байланысты ЖКХ бөлімі мердігердің үстінен мемлекеттік сатып алуға қатысуға лайықсыз деп тану және тұрақсыздық айыбын өндіріп алу үшін сотқа талап арыз берді. Бұдан соң мердігер жұмыстарды биылғы жылы аяқтау туралы міндеттеме алды, қазіргі уақытта жұмысты жалғастыруға дайындық жүргізілуде",- делінген ақпаратта.
Енді қала тұрғындарынан жұмыс аяқталғанға дейін алаңға бармауды сұрайды.
"Қала тұрғындарынан жұмыстар аяқталғанға дейін алаңға бармауын, сондай-ақ ол жерде тұрған мүліктің бүлінуіне жол бермеуді сұраймыз. Егер сіздер вандалдық әрекеттердің куәсі болсаңыз, бұл туралы дереу полицияға хабарлауыңызды сұраймыз"Ақтөбе облысының әкімдігі
2024 жылдың 17 мамырында Алматы басшысы Ерболат Досаев жергілікті тұрғындардың өтініші бойынша Райымбек – Сейфуллин – Төреқұлов – Мұратбаев көшелерінің маңындағы қираған нысандардың орнына жаңа скверді құрылысын бастауды тапсырды.
