Зардап шеккен баланың ата-анасы әлеуметтік желілер арқылы қызын балабақшаға үш күн бұрын бергенін айтты. Үшінші күні анасы баланың аузы ісіп, көгергенін байқаған.
"Келесі күні мен камераларда күтушінің баламды ұрғанын көрдім, бірақ басшылық бұл фактіні мойындамады және қызметкердің байланыс мәліметтерін беруден бас тартты. Ол WhatsApp хабарламаларын оқыды, бірақ жауап бермеді. Мен қатты ашуландым", — деді қыздың анасы.
Оның айтуынша, қазір бала күндіз-түні жылап, құса бастаған.
Zakon.kz редакциясы түсініктеме алу үшін Атырау облысы ПД баспасөз қызметіне жүгінді.
"Аталған факті бойынша қылмыстық іс қозғалды. Кешенді тергеу басталды. Басқа ақпарат тергеу мүддесі үшін жария етілмейді", — деді полиция.
10 шілдеде Атырау облысындағы балабақшалардың бірінде бүлдіршін септикке батып кетті.