Suzuki Ninja мотоциклі Рысқұлов даңғылымен батыс бағытта келе жатқан, ал оның алдында Mercedes e-class автокөлігі келе жатты. Мотоцикл жүргізушісі көліктің оң жағынан айналып өтпек болған, алайда жылдамдығын да, айналу жолын да есептемеген.
Сурет: Zakon.kz
Осылайша, Mercedes-ке ілігіп қалған мотоцикл жол жиегіне шығып, қарсы жаққа қарай ұшып кеткен. Ал, бұл уақытта, ол жерде жұмыстарын бітіріп, демалып отырған үш жол жұмысшысы болған.
Сурет: Zakon.kz
Мотоцикл үшеуін де басып өтті. Тіпті, бір жұмысшының аяқ киімі жыртылып кеткен.
Сурет: Zakon.kz
Апат салдарынан екі ер жұмысшы дәрігерлер келгенге дейін оқиға орнында қайтыс болды. Ал, олардың бірінің әйелі ауыр жағдайда ауруханаға жатқызылды, алайда оны да құтқару мүмкін болмаған.
Сурет: Zakon.kz
Осылайша, жүргізушінің олқылығынан осы маңда жұмыс істейтін жас қызметкер мен ерлі-зайыпты жұмысшы көз жұмды.
Сурет: Zakon.kz
Мотоцикл жүргізушісі болса, бар болғаны денесін аздап сырып алған.
Сурет: Zakon.kz
Оқиға орнында жол полициясының қызметкерлері, криминалист, анықтаушы жұмыс істеді.
Бұған дейін 8 сәуірде Алматыда Тәтібеков көшесінде Бестужев пен Сырымбет көшелерінің аралығында №207 бағыттағы қалалық автобус пен Mazda 3 көлігі соқтығысқаны жайлы жазған болатынбыз.