Қарағанды облысының полиция департаменті баспасөз қызметінің хабарлауынша, оқиға шамамен сағат 10:30-да Төлепова мен Жилстроевская көшелерінің қиылысында болған.
"Алдын ала мәлімет бойынша, қосалқы жолмен келе жатқан Shacman жүк көлігінің жүргізушісі басымдыққа ие болған Lada Granta көлігіне жол бермей, соқтығысқан. Жол апаты салдарынан Lada көлігінің 25 жастағы жүргізушісі оқиға орнында көз жұмды. Оның жолаушысы түрлі дене жарақаттарымен ауруханаға жеткізілді", – делінген хабарламада.
Аталған факті бойынша қылмыстық іс қозғалып, тиісті сараптамалар тағайындалды.
5 шілдеде Қарағанды облысында жол-көлік оқиғасы болып, жеті адам қаза тапты.