Алдын ала ақпарат бойынша, туристік автобус Назарбаев даңғылы бойымен оңтүстік бағытта келе жатқан. Ал жеңіл көлік Мәметова көшесімен шығысқа қарай қозғалып, Назарбаев даңғылына солға бұрылмақ болған.
Сурет: Zakon.kz
Белгісіз себептермен Mitsubishi Lancer жүргізушісі қарсы қозғалыс жолағына шығып кеткен.
Сурет: Zakon.kz
Содан кейін ол жоғары жылдамдықпен автобусқа соғылған. Апат салдарынан Mitsubishi жүргізушісі ауыр жарақат алып, жедел түрде ауруханаға жеткізілді.
Сурет: Zakon.kz
Аталған жол-көлік оқиғасының барлық мән-жайын полиция қызметкерлері анықтауда.
Бұған дейін Алматыда жеңіл көлік ағаштарды кесіп өтіп, қарсы бағыттағы автокөлікпен соқтығысқанын жазған болатынбыз.