КТК таратқан ақпарға сүйенсек, өз жолымен келе жатқан "ВАЗ" көлігіне қарсы бағытқа шығып кеткен KIA келіп соқтығысқан. Жигулидің 51 жастағы жүргізушісі мен екі жолаушысы оқиға орнында көз жұмды. Тағы бір жарақат алған жолаушы ауруханаға жеткізілген. Жолдың қарсы бағытына шыққан "Кианың" 36 жастағы жүргізушісі дін аман. Оның қолына сол жерде кісен салынды.
Бұған дейін СҚО-да ер адамның карантинге жабылған ауылдан құс етін алып шықпақ болғанын жазғанбыз.