Президенттің баспасөз хатшысы Айбек Смадияртің хабарлауынша, Қасым-Жомарт Тоқаевтың үндеуі сағат 19:00-де республикалық телеарналардан көрсетіледі.
"Бүгін Мемлекет басшысы Қасым-Жомарт Тоқаев Құрылтай сайлауы қарсаңында Қазақстан халқына үндеу жасайды. Президенттің үндеуі сағат 19:00-де республикалық телеарналардан көрсетіледі", – деп жазды Айбек Смадияр.
Бұған дейін Қасым-Жомарт Тоқаев Құрылтай сайлауы биыл 23 тамызда өтетінін мәлімдеген еді.
Жаңа Конституцияға сәйкес, Қазақстан бір палаталы парламентке көшіп, оның атауы Құрылтай болады.