Күн тәртібінде мұндай мәселе жоқ, – деді Ерлан Қошанов Нұр-Сұлтанның атын Астана деп өзгерту жоспарланып жатыр ма деген сауалға жауап беріп.
Сонымен қатар журналистер депутаттардың бұл мәселені өз бетінше көтеруді жоспарлап отырған-отырмағанын сұрады.
Жоқ, депутаттар мұндай мәселені көтермейді.Ерлан Қошанов
Бұған дейін Мәжіліс спикері Nur Otan партиясының атауын «Аманат» деп өзгерту туралы айтқан еді.
Еске сала кетейік, 2019 жылғы 20 наурызда парламент палаталарының бірлескен отырысында Астананың атауын Нұр-Сұлтан деп өзгерту туралы шешім қабылданған еді. Бұл бастаманы ұлықтау кезінде Қасым-Жомарт Тоқаев көтерген.