Заңнама және сот-құқықтық реформа комитетінің төрағасы, депутат Арман Қожахметов ұсынылған заң жобасы мемлекет басшысының тапсырмасымен әзірленгенін айтты.
Заң жобасының мақсаты - Қазақстан аумағында 2022 жылғы 4 қаңтардан 7 қаңтарға дейін жаппай тәртіпсіздікке байланысты қылмыстық құқық бұзушылық жасаған немесе олардың жолын кесу кезеңiнде жүргiзiлген адамдарды қылмыстық жауаптылықтан босату немесе сот тағайындайтын жазаның мерзiмiн қысқарту.Арман Қожахметов
Ол бұл құжаттың азаматтар мен мемлекеттің қауіпсіздігіне елеулі қатер төндірмейтін қылмыс жасаған тұлғаларға мемлекет пен қоғам тарапынан жасалған мейірімділік пен ізгілік актісі екенін қосты.
1 қыркүйекте Қасым-Жомарт Тоқаев Қазақстан халқына Жолдауында қаңтар оқиғасына қатысушыларға рақымшылық жариялады. Бұл ретте мемлекет басшысы рақымшылық тәртіпсіздіктерді ұйымдастыруға қатысы бар негізгі айыпталушыларға, сонымен қатар мемлекетке опасыздық жасады және билікті күшпен ауыстыруға әрекет жасады деп айыпталғандарға әсер етпейтінін атап өтті.
