Облыстық полиция департаментінің мәліметінше, жол апаты 27 желтоқсанда сағат 19.30-да Химкомбинат көшесінде орын алған.
ВАЗ-21061 автокөлігінің 49 жастағы жүргізушісі алдындағы көлікті басып озу үшін жолдың қарсы бетіне шығып, Daimler-Benz автокөлігімен соқтығысты.
Салдарынан ВАЗ жүргізушісі оқиға орнында көз жұмды, Daimler-Benz автокөлігінің 34 жастағы жүргізушісі мен 31 жастағы жолаушысы түрлі дене жарақатымен ауруханаға жеткізілді. Полиция департаменті
Полиция көліктердің арнайы айып тұрағына қойылғанын атап өтті.
Аталған фактіге сәйкес, ҚР ҚК 345-бабы бойынша сотқа дейінгі тергеу амалдары қолға алынды.