Қорлық көрген қыз өзіне қол салмақшы болған. Мамандардың араласуымен бұл іс шешімін тапты. Бірақ елімізде карантин және шектеу шаралары енгізілген кезеңде мұндай қылмыстар саны едәуір артқан, деп хабарлайды Астана телеарнасы.
Талдықорғандық 12 жасар қызды анықтадық. Ол өгей әкесі тиісетінін жазған. Сейсенбіде ақпарат келді, сенбіде ол өзін өлтіремін деп қорқытты. Жұмыс барысында өгей қызын үш жыл бойы зорлап келген өгей әкені ұстадық. ҚР ІІМ Киберқылмысқа қарсы күрес орталығы бастығының орынбасары Рүстем Дүйсетаев
Сондай-ақ, кәмелетке толмаған жеткіншекпен интимдік тақырыпта хат алмасқан Алматы қаласының 24 жастағы тұрғыны ұсталды. Бұған қатысты қылмыстық іс сотқа жолданған.
Жыл басынан бері порнография, есірткі қылмыстары, онлайн казинолар қызметі, қаржы пирамидалары, басқа да алаяқтық схемалар, қатыгездік немесе суицид культін насихаттау, қару сату және т.б. қоса алғанда 7300 шетелдік интернет-ресурс анықталды. Олардың мәліметі Қазақстан аумағынан кіруге тыйым салу үшін ақпараттық жүйеге енгізілген. ҚР ІІМ Киберқылмысқа қарсы күрес орталығы бастығының орынбасары Рүстем Дүйсетаев