2022 жылы 19 қаңтарда сағат 00:00-де Алматыда төтенше жағдай режимінің күші жойылып, коменданттық сағат аяқталады.Алматы қаласының комендатурасы
Алайда комендатура қалада террористік қауіптің "қызыл" деңгейі әлі сақтаулы екенін еске салады.
Терроризмге қарсы іс-шаралар шеңберінде Алматы ПД, Ұлттық ұлан және ҚР Қорғаныс министрлігінің әскери қызметшілерінің тұратын жасақ қаланы тәулік бойына сүзіп, патрульды қамтамасыз етеді. Блок бекеттер өз жұмысын жалғастырып жатыр.
Террористік қауіптіліктің "қызыл " деңгейі кезінде құқық қорғау органдарына азаматтардың жеке басын тексеруге және олардың заттарын, көлік құралдарын қарауға рұқсат етіледі. Сондай-ақ олар адамдардың жүріп-тұруын уақытша шектеп немесе тыйым да сала алады.
Шерулер мен митингілер өткізуге тыйым салынады.
Комендатура құқық қорғау органдарының жұмысына түсіністікпен қарауды және олардың заңды талаптарын сақтауды сұрайды. Терроризмге қарсы операцияның аяқталу мерзімі туралы қосымша хабарланады.