6 сәуірде Алматы қаласының әуежайында паспорттық бақылаудан өту кезінде жалған құжаттар ұсынған Орталық Азия елдерінің төрт азаматы ұсталды. ҚР ҰҚК баспасөз қызметі
Құзырлы ведомство атап өткендей, жүктерін тексеру кезінде олардың нақты төлқұжаттары табылды.
Алдын ала деректер бойынша, олар жалған құжаттарды Қазақстан Республикасы арқылы транзитпен өту үшін сатып алған.
Бір жалған төлқұжаттың құны 10 мың АҚШ долларын құраған. Жалған құжаттар тәркіленді. Оларды елден депортациялау мәселесі шешілуде. ҚР ҰҚК баспасөз қызметі