Қалалық полицияның мәліметінше, Жетісу-4 ықшам ауданындағы ақша айырбастау пунктінде қарақшылық шабуыл орын алды.
Белгісіз біреулер ақша айырбастау пунктінен шығып бара жатқан ерлі-зайыптыларға шабуыл жасаған. Тонау кезінде олардың рюкзактары бос болған. Бірақ шабуылдаушы басқаша ойда болған. Ол травматикалық тапаншадан ерлі-зайыптыларға оқ атқан. Абырой болғанда, олардың өмірі мен денсаулығына айтарлықтай залал келмеген. Арнайы тергеу-жедел тобы қаскөйдің ізіне түсті. Күдікті Жамбыл облысының 40 жастағы тұрғыны болып шықты. Ол Жамбыл облысы ауылдарының бірінде ұсталды. Қазір ол Алматыға жеткізіліп, қамауға алынды, – деді Әуезов аудандық Полиция басқармасының бастығы Ұлан Әбілқайыр.
Қарақшылық шабуыл дерегі бойынша сотқа дейінгі тергеудің бірыңғай тізіліміне қылмыстық іс тіркелді.
Құзырлы ведомства тергеу шаралары жүргізіліп жатқанын айтты.
