Жамбыл аудандық полиция бөліміне ұрлық фактісіне қатысты ЖШС директоры арызданды. Оның айтуынша, 13 сәуірде белгісіз біреулер зауыт аумағынан жалпы құны 2 млн 700 мың теңге болатын 100 шаршы метрлік конвейер таспасын ұрлаған.
Полицейлер аталған кәсіпорынның екі қызметкері – 26 және 30 жастағы Тараз тұрғындарын ұстады. Ер адамдар өз кінәсін мойындады. ҚР Қылмыстық кодексінің 188-бабы, 3-бөлігі бойынша сотқа дейінгі тергеу басталды.
Тергеу барысында полицейлер күдіктілер ұрланған таспаны 900 мың теңгеге сатқанын, ал ақшаны жеке қажеттіліктеріне жұмсағанын анықтады.