Алматы облысы полиция департаментінің баспасөз қызметінің хабарлауынша, полицейлер 27 жастағы жергілікті такси жүргізушісін ұстады.
Тонаушының болжамды алған бағыттары тексерілді. Жақын орналасқан тұрғын үй кешендері мен саяжайларға көз жүгіртілді. Республикалық трассалардың бірінің бойынан жедел уәкілдер жеңсіз күртеше, көз маңы ойылған тоқыма шәпкі мен ішінде асығыс-үсігісте 10 мың теңге қалып кеткен ұрланған қол сөмкені тапты. Нәтижесінде біз күдіктіні анықтай алдық, ол 27 жастағы талдықорғандық болып шықты. Ол жалға алынған Toyota Camry көлігімен кісі тасумен айналысады. Алматы облысы ПД бастығының орынбасары Елдар Әбдікенов
Сондай-ақ, құқық қорғау органдары бұған дейін, 24-інен 25 сәуірге қараған түні күдікті Алматының Әуезов ауданындағы жанар-жағармай бекеттерінің біріне қарақшылық шабуыл жасағаны анықтады. Бұл жолы да жас жігіт кассирді қарумен қорқытып, кассадағы ақшаны алып кеткен.
Ұсталған азаматтың автокөлігін тінту кезінде алты патроны бар РС-31 револьвері табылды, оны екі қылмыста да қолданған. Қару тәркіленіп, баллистикалық сараптамаға жіберілді.
Күдікті қамауға алынды. Тіркелген фактілер бойынша қылмыстық тергеу ҚР ҚК 192-бабы, "Қарақшылық" бойынша жүргізіледі. Ұсталған ер адамның атыс қаруының басқа қылмыстарға қатысы бар-жоғы мұқият тексеріледі.