Қыздың мүрдесі табылғаннан кейін көп ұзамай полиция марқұмның 19 жастағы анасын анықтады. Оның айтуынша, қыз церебральды сал ауруына шалдыққан, сондай-ақ тумысынан ақыл-ойы кеміс. Анасыныі куәлік етуінше, осы жылдың ақпан айында бала ауырып, қайтыс болған-мыс. Күдіктінің 21 жастағы ағасы қыздың денесін қаланың шетіне алып шығып, жерлеген.
Оқи отырыңыз: Сарқандта қоқыс жәшігінен баланың мәйіті табылды
Тергеу барысында полицейлер ағасы мен қарындасының кісі өлтіргенін анықтай алды. Күдіктілер қызды тұншықтырып, денесін қаладағы шұңқырға апарып көмгендерін мойындады.
Сарқанд аудандық соты ұсталғандардың екеуін қамауға алуға санкция берді. Қылмыстық іс ҚР Қылмыстық кодексінің 99-бабы, 3-бөлігі бойынша тергеліп жатыр.
Күдіктілер қамауда. Қолданыстағы заңнамаға сәйкес, күдіктілер мүлкін тәркілеу арқылы немесе мүлкін тәркілмей-ақ 20 жылдан бастап өмір бойына бас бостандығынан айырылуы мүмкін.
