Видеоны Instagram-да "Не молчи KZ" қоғамдық қоры жариялады.
Видеодан көшеде ұялы телефонмен сөйлесіп кетіп бара жатқан қызға бейтаныс жігіттің қалай жақындағанын көруге болады. Ол қызға пышақ тақайды. Қатты қорқып кеткен қыз шыңғырып жібереді, бұл жігіттің өзін шошытып, кері шегінуге мәжбүр етеді.
Қыз Қаратау аудандық полиция бөліміне арыз түсірді.
Шымкент қаласы ПД баспасөз қызметі полицейлер аталған оқиға куәгерлерімен сөйлесіп, бейнебақылау камераларындағы жазбаларды қарап, күдіктінің жеке басын анықтай алғанын жеткізді. Ол өз үйінен ұсталды.
Қазіргі уақытта ұсталған азаматқа қатысты сотқа дейінгі тергеу амалдары қолға алынды. Шымкент қаласы ПД баспасөз қызметі
