Атырау облыстық полиция департаментінің баспасөз қызметіне сілтеме жасап, ҚазАқпарат оқыс оқиға кеше, 16 шілдеде жергілікті уақытпен сағат 22:30 шамасында болғанын хабарлайды.
Мұнайлы шаһардың тұрғындары кешкі серуен кезінде балаларын аттракционға отырғызған. Алайда, әткеншек бірден тоқтап, орындықтар бекітілген желі үзіліп кеткен.
Қазір аталған фактіге қатысты ҚР Қылмыстық кодексінің 141-бабы (Балалардың өмiрi мен денсаулығының қауiпсiздiгiн қамтамасыз ету жөнiндегi мiндеттердi тиісінше орындамау) бойынша тергеу жүргізіліп жатыр.
Аттракцион әткеншегінің үзілуінен зардап шеккен балалар жедел жәрдем көлігімен облыстық балалар ауруханасына жеткізілді. Аурухана дәрігерлерінің тексеруінен соң балалар үйлеріне жіберілді. Аталған аттракцион Жайық өзенінің жағалауындағы Жастар саябағында орналасқан.
Соңғы бір жыл бойы тоқтап тұрған «Керемет жағалау» аттракционы биыл іске қосылған.