Видеода жігіт полиция қызметкері мінген көлік жанынан өтіп, оларға қол көтеріп ишарат жасайды да жылдамдықты күрт арттырып, жол шетімен жүйітки жөнеледі.
Аталған оқиға Бостандық ауданындағы Әл-Фараби даңғылы бойындағы "Нұр-Мүбарак" мешітіне қарама-қарсы бетте 2022 жылы 20 шілдеде болған. Сол күні жас жігіт әлеуметтік желіде өзінің "ерлік" әрекеті түсірілген видеосын жариялады. Полицейлер көзге түскен бұл видеоның авторын тауып, бозбаланың түсінік беруіне тура келді. Ол өз қателіктерін түсініп, өзгелерге жол ережесін бұлай бұзбауды өтінеді.
Жолда ойқастап, өнер көрсеткен бозбала 593-бабы 2-тармағы ("Қауіпсіздік белдігін немесе мотошлемдерді пайдалану қағидаларын сақтамау"), 601-бап ("Жол белгілері немесе жолдың жүру бөлігіндегі таңбаларға қатысты ұйғарылған талаптарды сақтамау") және 230-бап ("Қазақстан Республикасының міндетті сақтандыру туралы заңнамасын бұзу") бойынша кінәлі деп танылады.