Оқиға куәгерлері полицияға қоңырау шалып, жасөспірімді қапқан иттің емін-еркін бос жүргенін, мұрнында не тұмылдырығы жоқ, мойнында не қарғыбауы жоқ екенін айтқан, деп хабарлайды Pavlodarnews.kz.
13 жастағы жасөспірім медициналық көмек көрсету үшін ауруханаға жеткізілді. Тәртіп сақшылары иттің 36 жастағы иесін анықтап, ҚР ӘҚБтК 407-2-бабы бойынша жауапкершілікке тартты, - дейді облыстық полиция департаменті.
Тағы бір жағдайда Павлодар қаласында Алматы көшесі бойында баланы өз иті қауып алған, ол да медициналық көмек үшін ауруханаға жеткізілген.
Айта кетерлігі, бүгінгі таңда 150-ден астам ит иесі өздерінің үй жануарларын ұстау және серуендету ережелерін бұзғаны үшін ҚР ӘҚБтК 407-2-бабы бойынша жауапкершілікке тартылған.
