Жәбірленушіні өз үйі алдында бейтаныс біреулер күтіп тұрған. Күш көрсетіп, қолын қайырып көлікке отырғызған. Қолын байлап, бір үйге апарыпты. Кейін 3 күн бойы әр жерге ауыстырып отырған. Бірақ, Тараздағы ең ірі жолаушы тасымалдау компаниясының басшысынан, қызы үшін 100 млн теңге сұрағандардың құйтырқы әрекеті жүзеге аспады. Бірнеше тәуліктен соң қылмыстық топтың 2 сыбайласы қолға түсті. Қарақшылық топтың басшысы бұған дейін де танысының баласын ұрлап ақша талап еткені үшін 7 жылға сотталған көрінеді. Ал топтың бір мүшесі жәбірленушінің көршісі болған, делінеді Astana.tv сюжетінде.
Бұл әрекетті олар бір жыл бойына жоспарлағаны да айтылады.
Сот үкімімен қылмыстық топ мүшелерінің барлығы 5 жылдан 13 жылға дейінгі мерзімде бас бостандығынан айрылды. Қазіргі уақытта үкім заңды күшіне енген жоқ. Өйткені сотталғандар апелляциялық тәртіппен шағым түсірді. Айта кету керек, Жамбыл облысында соңғы 10 жылда мұндай қылмыс орын алмаған. Жамбыл облыстық прокуратурасы Қылмыстық қудалау басқармасының прокуроры Сайын Сағындық