Келіншек бұрын көңіл жарастырып, өзімен бірге тұрған ер адамды үйіне қонаққа шақырады. Өзара әңгіме барысында ол ер адамнан жұбайымен ажырасуды талап етеді. Бұған сүйгені келіспеген. Сол кезде келіншек полиция шақырып, өзінің зорланғаны туралы арыз жазады, деп хабарлайды Noks.kz.
Бірақ жымысқы пиғылдың арты ашылып, енді келіншектің өзіне қатысты сотқа дейінгі тергеу амалдары қолға алынады. Кейіннен сот қала тұрғынын Қылмыстық кодекстің 419-бабының 3-бөлігі бойынша кінәлі деп таныды ("Адамды сыбайлас жемқорлық, ауыр, аса ауыр қылмыс жасады деп айыптай отырып, көрінеу жалған мәлімет беру").
Сот әйелді үш жылға шартты түрде бас бостандығын шектеу түрінде жаза тағайындады.