Ақсу қаласының 26 жастағы тұрғынының өтініші бойынша Павлодар облысының ПД “бопсалау" бойынша сотқа дейінгі тергеу амалдарын қолға алды.
Бұған дейін желіде жәбірленушінің полиция қызметкерлерін айыптап, есірткі сатуда олар бірге әріптестікте жұмыс істейтінін айтқан видео тараған болатын.
11қарашада жәбірленушінің өзі полицияға келіп, таныстары осындай жолмен өзінен ақша бопсалағанын айтып арызданған.
Бұрынғы таныстары ақша бопсалау мақсатында оған тиесілі автокөлікті тартып алып, полиция қызметкерлеріне қатысты видео жаздырған.Одан кейін, әрине ақша бопсалау басталған. Ол таныстарының талабын орындаудан бас тартқан. Сондықтан бұл видео желіде жарияланады. ҚР ІІМ баспасөз қызметі
Осы қылмысты жасады деген күдікпен Ақсу қаласының жұмыссыз тұрғындары (1989, 1994, 1995 жылы туған) анықталып, Павлодар қаласының уақытша ұстау изоляторына тоғытылды.
Тергеу нәтижелері бойынша әрбір қатысушының іс-әрекетіне алда құқықтық баға беріледі.