Жетісу облысы полиция департаментінің мәліметінше, жол апатына түскен көліктердің бірінің жүргізушісі рөлге ие бола алмай, жолдың қарама-қарсы бетіне шығып кеткен.
"Оқиға орнында Toyota Windom-дағы екі жолаушы, яғни 75 және 34 жастағы екі әйел қаза тапты. Екі жүргізуші, одан бөлек тағы үш адам Талдықорғандағы ауруханаға жеткізілді". Жетісу облысы ПД баспасөз қызметі
Құзырлы ведомство жол апаты фактісі бойынша қажетті сараптамалар тағайындала отырып, сотқа дейінгі тергеу қолға алынғанын атап өтті.
Облыстық ПД жүргізушілерге "көлік құралдарын басқару кезінде аса сақ болуды, жол қозғалысы ережелерін қатаң сақтауды, жылдамдықты рұқсат етілген шектен асырмауды еске салады.