17 қаңтарда 102 жедел арнасына 39 жастағы жергілікті тұрғын хабарласып, 13 жасар ұлын іздеуге көмектесуді сұрады. Оның айтуынша, бала үйден сағат 07:40-та мектепке қарай жол тартқан.
"Дабыл белгісі бойынша Абай облысы полиция департаментінің құрылымдық бөлімшелерінің барлық жеке құрамы аяғынан тік тұрғызылды. Тәртіп сақшылары кез-келген ақпаратқа ие болуы ықтимал таныстар мен куәгерлерден жауап алып, іргелес аумақтарды мұқият зерттеді, әр аумаққа бөлініп, әр аулаға тінту жүргізді. Іздеу барысында полиция қызметкері Мичурин көшесінде жоғалып кеткен кәмелетке толмаған баланы тауып, оны анасына тапсырды".Абай облысы ПД баспасөз қызметі
Оның үйінен кету себебі анықталу үстінде.
