7 ақпанда ауа райының қолайсыздығына байланысты Шымкент - Самара тас жолының 56-шақырымында Mercedes Benz автокөлігі жолдың көктайғақ болуынан тайып кетіп, алдында жүріп бара жатқан өзбекстандық азаматтың Кia Carnival көлігіне соқтығысқан.
Жол апаты салдарынан Mercedes Benz көлігінің бір жолаушысы сол жерде мерт болып, жүргізушісі ауруханаға түскен.
"Қазіргі таңда оқиға орнында анықтаушылар мен криминалистер жұмыс істеп жатыр. Аталған жайт бойынша ҚР Қылмыстық кодексінің 345-бабы 3-бөлігімен сотқа дейінгі тергеу амалдары басталды. Оқиғаның толық мән-жайы тергеу барысында анықталады", - деп хабарлады polisia.kz.
