Ішкі істер министрлігі шетелдіктердің көші-қон заңнамасын бұзушылықтарын анықтауға бағытталған "Мигрант" операциясын қорытындылады. Операция барысында полиция шетелдіктер көп тұратын жерлерді, құрылыс нысандарын, базарларды, шетелдіктердің жалдамалы еңбегін пайдаланатын ұйымдар мен жұмыс берушілерді тексерді.
"Операцияның 8 күнінде 9 мыңнан астам (9 213) көші-қон заңнамасын бұзушылық анықталды. Оның ішінде 5 мыңы (5 113) шетелдіктердің елде болу мерзімін бұзуымен байланысты. Айта кету керек, кейде пайда табу үшін жұмыс берушілер шетелдіктердің заңсыз еңбегінарнайы рұқсат құжаттарын алмай пайдаланады, осылайша азаматтарымызды еңбек қызметін жүзеге асыру мүмкіндігінен айырады". ҚР ІІМ
Елімізде шетелдіктердің аңсыз еңбек қызметіне қатысты 3 мыңға жуық (2 741) факті анықталды, 471 жұмыс беруші шетелдік жұмыс күшін заңсыз пайдаланғаны үшін әкімшілік жауапкершілікке тартылды. Мысалы, Алматы және Атырау қалаларының құрылыс нысандарында заңсыз жұмыс істеген 145 шетелдік анықталды. Осыған ұқсас фактілер Астана, Шымкент, Түркістан және Шығыс Қазақстан облыстарында тіркелді.
Сонымен қатар Алматы мен Шымкент, Атырау және Павлодар облыстарында бірнеше рет заңсыз шетелдік жұмыс күшін тартқан жұмыс берушілер белгілі болды. Оларға қатысты сотқа дейінгі тергеу басталды.
Өздеріне келген шетелдіктер туралы полицияға уақытылы хабарламағаны үшін 3 631 жеке және заңды тұлға жауапқа тартылды. Көші-қон заңнамасын бұзушыларды елден шығару туралы соттардың 674 шешімі шығарылды. Барлық шығарылған адамдарға Қазақстанға кіру 5 жылға тыйым салынды. Азаматтығы бар елде қылмыс жасағаны үшін іздеуде жүрген 22 шетелдік ұсталды.
Рейдтер кезінде:
- Жамбыл облысында Шекара қызметімен және ҰҚК-мен бірлескен іс-қимылмен елімізге заңсыз кірген Пәкістанның 9 азаматы ұсталды;
- Алматыда 2022 жылғы қарашада өткізу пунктінен тыс мемлекеттік шекараны заңсыз кесіп өткен Қырғыз Республикасының азаматы ұсталды.
"Осы фактілер бойынша сотқа дейінгі тергеу, сондай-ақ заңсыз иммигранттарға баспана берген адамдарға қатысты да тергеу жүргізіледі."ІІМ
