Соңғы жылы елімізде қуаңшылық болды. Былтырға қарағанда жиналған астық көлемі 4 миллион тоннаға кеміді. Бұл шикізатпен және жем-шөппен қамтамасыз ету ісіне әсер етті. Болжам бойынша биыл да ахуал күрделі болуы мүмкін. Үкімет тұқыммен, жем-шөппен, тыңайтқышпен қамтамасыз ету мәселелерін және егін егу науқанын қатаң бақылауда ұстауға тиіс.Қасым-Жомарт Тоқаев
Сонымен қатар субсидияны тұрақты беруге қатысты мәселенің жиі көтерілетінін тілге тиек еткен Мемлекет басшысы субсидиялау тәсілдерін қайта қарау жұмысын қысқа мерзім ішінде атқарылуы тиіс екенін айтты.
Біз субсидия алуды жеңілдетуге, оның қолжетімді болуын және ашықтығын қамтамасыз етуге тиіспіз. Жуырда болған заң бұзушылықтардың қайталануына жол бермеу маңызды. Алдағы үш жылда азық-түлік қауіпсіздігі мәселесін түбегейлі шешу қажет. Бұл Үкімет пен әкімдердің алдында тұрған негізгі басымдық екеніне айрықша назар аударамын. Қасым-Жомарт Тоқаев
Сондай-ақ Қасым-Жомарт Тоқаев нарықта азық-түлік тауарлары мол болмаса, инфляцияны ұстап тұруға ешқандай шара көмектеспейтінін атап өтті.
Тақырыпқа орай оқи отырыңыз