Біздің күш-жігерімізді бірқатар бағытқа бағыттауды ұсынамын. "Орталық Азияның экономикалық қарым-қатынастар жүйесінде үлкен көліктік-логистикалық әлеуеті бар. Қазақстан арқылы 11 халықаралық транзит дәлізі өтеді. Оның ішінде "Шығыс-Батыс" және "Солтүстік-Оңтүстік" бағытында жүктер қозғалысының жоғары жылдамдығын қамтамасыз ететін 5 теміржол және 6 автокөлік бағыты бар. ҚР Президенті Қасым-Жомарт Тоқаев
Оның айтуынша, солтүстік-батыс бағытта Еуразиялық экономикалық одақ кеңістігіндегі ортақ кедендік аумақты ескере отырып, Ресей нарығына, сондай-ақ Шығыс Еуропаның бірқатар еліне кедергісіз кіруге мүмкіндік бар. Жылына 26 миллион тонна жүк қабылдай алатын Қазақстанның Ақтау Икуреф порттары арқылы өтетін Оңтүстік-Батыс бағытының келешегі зор. Олар Каспий теңізі арқылы Каспий өңіріндегі мемлекеттерге, Түркияға және одан әрі батысқа кең жол ашады.
Тоқаев Қазақстан кейінгі 10 жылда ұлттық көлік инфрақұрылымын дамытуға шамамен 30 миллиард доллар инвестиция салғанын айтты.
Біз инфрақұрылымдарды жаңғыртуға қомақты инвестиция сала беретін боламыз. Бұл - теңізге шыға алмайтын елдер үшін стратегиялық жағынан маңызды мәселе. Сенімді, тиімді және қауіпсіз транзиттік инфрақұрылым құру үшін Орталық және Оңтүстік Азияның өзара байланысы архитектураның негізгі элементіне айналуы тиіс екеніне сенімдімін. Ол үшін өңіраралық көліктік-логистикалық консорциумын құру мүмкіндігін қарастыруды ұсынамын. Бұл Үндістан, Каспий теңізі және Парсы шығанағы порттары бағытындағы көлік бағыттарын толық көлемде өзара тиімді жүктеуге қатысты ұлттық саясатты тиімді үйлестіруді қамтамасыз ете алар еді. ҚР Президенті Қасым-Жомарт Тоқаев
