Тоқаев «Қазақстан Парамаунт Инжиниринг» зауытының жұмысымен танысты

Қасым-Жомарт Тоқаев елордада брондалған дөңгелекті техника шығаратын және жаңартатын «Қазақстан Парамаунт Инжиниринг» зауытына барды, деп хабарлайды Zakon.kz.

Ақорданың ресми ақпараттық ресурсы таратқа мәлімет бойынша, президентке отандық брондалған дөңгелекті машина шығару үдерісі көрсетіліп,қазақстандық қорғаныс-өнеркәсіп кәсіпорны өнімдерінің көрмесі таныстырылды.

Сурет: akorda.kz

Мемлекет басшысына компанияның жұмысы мен отандық қорғаныс-өнеркәсіп кешенінің жағдайы жөнінде мәлімет берілді.

Сурет: akorda.kz

Зауытты аралап шыққан Қасым-Жомарт Тоқаев аталған саланы дамытудың перспективті бағыттарын айқындап берді. Сондай-ақ мемлекет басшысы отандық өндірушілерді қолдау қажет екенін атап өтіп, шығаратын өнімдерді техникалық тұрғыдан заман талабына сай жаңартуға шақырды.

Сурет: akorda.kz