Мемлекет басшысының өкімімен Ұлан Серікұлы Сарқұлов Қазақстан Республикасының Сыбайлас жемқорлыққа қарсы іс-қимыл агенттігі (Сыбайлас жемқорлыққа қарсы қызметтің) төрағасының орынбасары лауазымына тағайындалды, – делінген Ақорда таратқан ресми хабарламада.
Бұған дейін бұл қызметті Мақсат Қожабаев атқарып келген еді.
Сарқұлов Ұлан Серікұлы 1980 жылы 27 шілдеде Ақтөбе облысында дүниеге келді.
Білімі:
РФ ФҚҚ Академиясын, РФ Президенті жанындағы мемлекеттік қызмет Академиясын тәмамдады.
Еңбек өтілі:
Еңбек жолын 2002 жылы Ақтөбе облысы бойынша ҰҚК департаментінде бастады.
2004 – 2006 жж. атташе, үшінші хатшы – РФ-дағы ҚР Елшілігінің жалпы бөлімінің меңгерушісі.
Әр жылдары Маңғыстау және Қызылорда облыстары әкімдері аппаратында, ҚР премьер-министрінің көмекшісі, ҚР Президенті әкімшілігі Іс басқармасының ұйымдастыру-бақылау және кадрлық жұмыстар бөлімінің меңгерушісі болып қызмет етті.
2015 жылдан ҚР парламенті Шаруашылық басқармасы басшысының орынбасары болып қызмет атқарды.