Қазақстан Еуразиялық экономикалық комиссияның нақты нәтижелерге назар аудара отырып, іскерлік сипатта жұмыс істеуін жақтайды. Өйткені біздің халықтар мәселелердің шешімін ұзақ күтпейді, бұл мәселелердің дәл қазір шешілгенін қалайды. Қасым-Жомарт Тоқаев
Бұл ретте Қазақстан Президенті ЕЭК үкімет емес, ол 2015 жылғы наурызда қол қойылған жарғыға сәйкес тиісті өкілеттіктер берілген атқарушы орган екенін атап өтті.
Менің ойымша, интеграцияны дамыту процесінде, соның ішінде талқылаулар барысында туындайтын белгілі бір қиындықтарды драмаландырудың қажеті жоқ сияқты. Қайталап айтамын, бұл қалыпты процесс. Қазақстанға келетін болсақ, біз еуразиялық интеграцияны іскерлік негізде, прагматикалық негізде дамытудың жақтаушылары болдық, қолдаймыз және әрине, одаққа мүше барлық мемлекеттермен жұмыс істейтін боламыз. Қасым-Жомарт Тоқаев
Еске салсақ, Қазақстан президенті Қасым-Жомарт Тоқаев қазір президент Садыр Жапаровтың шақыруымен Қырғызстанда ресми сапармен жүр.
Екі президенттің кездесуінің нәтижесінде 13 құжатқа қол қойылды.
