Аз қамтылған және көп балалы отбасылардың бүлдіршіндері, жетімдер үйінде тәрбиеленіп жатқан балалар, оқу озаттары, зияткерлік және шығармашылық конкурстардың жеңімпаздары мен жүлдегерлері Ақорданы аралап көрді, деп мәлімдеді Президенттің баспасөз қызметі.
Елордаға еліміздің әр өңірінен 10-14 жас аралығындағы 34 оқушы келді. Балалар Президенттің «Ақорда» резиденциясындағы «Салтанат», «Мәрмәр», «Шығыс» залдарын тамашалады.
Экскурсия соңында балаларға Президент атынан сыйлықтар табысталды.
Еске салсақ, Қасым-Жомарт Тоқаев 31 мамырда Алматыға жұмыс сапарымен келді.
