Президент Қасым-Жомарт Тоқаев Шанхай ынтымақтастық ұйымына мүше мемлекеттер басшылары кеңесінің саммитіне қатысу үшін жұмыс сапарымен Самарқанд қаласына келді, делінген Ақорда хабарламасында.
Мемлекет басшысын Самарқанд әуежайында Өзбекстан Республикасының Премьер-министрі Абдолла Арипов күтіп алды.
15 қыркүйекте Самарқандта Шанхай ынтымақтастық ұйымына мүше мемлекеттер басшыларының саммиті басталады, оған ұйымға мүше мемлекеттердің, бақылаушы елдердің басшылары мен арнайы шақырылған президенттер қатысады.
