Тоқаев әлемдегі жағдай әбден шиеленісіп кеткенін тілге тиек ете келе, осындай жағдайдағы Қазақстанның ұстанымына тоқталды.
Осындай күрделі жағдайда Қазақстан халықаралық ұйымдарда, ең алдымен, Біріккен Ұлттар Ұйымында дауыс беру кезінде бейтарап ұстанымын сақтап отыр. Бұл біздің ұлттық мүддемізге сай келеді. ҚР президенті Қасым-Жомарт Тоқаев
Мемлекет басшысы халқымыздың ең басты күші – бірлік, парасаттылық және төзімділік екенін айтты.
Жеріміздің бүтіндігі және еліміздің амандығы – біз үшін бәрінен маңызды. Сондықтан, парасаттылық пен сабырлылық танытып, арандатушылардың жетегінде кетпеуіміз керек. Осы құндылықтардан айырылып қалсақ, елімізге үлкен қауіп төнеді.Қасым-Жомарт Тоқаев
Сондай-ақ президент мемлекеттердің территориялық тұтастығы міндетті түрде сақталуы керек екенін атап өтті.
Бұл – негізгі қағидат. Мен мұны халықаралық аренада үнемі ашық және анық айтып жүрмін. Жақында Біріккен Ұлттар Ұйымына барып, ең биік мінберден бұл туралы тағы да мәлімдедім. Бұның бәрі бекер емес. Айналамызда ауқымды соғыс болып жатыр. Біз осыны ескере отырып, ең алдымен, еліміздің қауіпсіздігін ойлауымыз керек.Қасым-Жомарт Тоқаев
Осы кездесуде президент Ресейден келіп жатқандарға Қазақстан тарапы көмектесетінін де атап өтті.