Қасым-Жомарт Тоқаев Алматының табиғи жерлері, әсіресе тау туризмі туралы сөз қозғады.
Алматының бірегей орналасқан жері тау туризмін дамытуға аса қолайлы. Бірақ, тау туризмі кластерін бүкіл Алматы агломерациясы шеңберінде қалыптастыру қажет. Менің ойымша, Түрген мен Қаскелең арасындағы тау кластерінің Шығыс және Батыс бөліктерін осы жерлердің әкімшілік мәртебесіне қарамастан, кешенді түрде дамыту керек, - деді Қасым-Жомарт Тоқаев.
Оның сөзінше, «Бұл зәкірлік жоба агломерацияның шипажайлары мен шаңғы базаларын дүниежүзілік маусымдық туристік кешендердің үлгісі бойынша бір кешенге біріктіреді. Осы жылдың қыркүйек айында Алматы қаласын дамыту бағдарламасы бекітілді. Құжаттың басымдықтары мегаполистің дәйекті және теңгерімді дамуына бағытталған.
Жалпы халық санының өсу қарқынын ескере отырып, Алматы экономикасының орташа жылдық өсімін 5 пайыз деңгейінде қамтамасыз ету қажет. Сонымен қатар экономикалық өсу көрсеткіштері әл-ауқат пен өмір сүру сапасының нақты артуы түрінде барлық азаматтар үшін нақты болуы керек.Қазақстан президенті
