21 желтоқсан күні Қасым-Жомарт Тоқаев Өзбекстанға мемлекеттік сапармен барды. Оны Ташкент халықаралық әуежайында Өзбекстан президенті Шавкат Мирзиёев қарсы алды.
Екі күндік сапар аясында Өзбекстан президентімен шағын және кеңейтілген құрамда келіссөздер жүргізу, бірқатар келісімге қол қою жоспарланған.
Сондай-ақ ол Ташкент қаласының "Янги Узбекистон" саябағындағы "Тәуелсіздік" монументіне гүл қойды. Ескерткіште өзбек халқының тарихындағы ең маңызды оқиғалар мен белгілі мемлекет қайраткерлерінің, қолбасшылары мен ғалымдарының бейнелері кескінделген.
