Бұл арада кәсіпкерлерге бизнестің дамуына кедергі келтіретін әкімшілік кедергілер мен жасанды әуре-сарсаңдарды жою есебінен практикалық көмек көрсетуге ерекше көңіл бөлінетіні атап көрсетіледі.
"2023 жылы 6 сәуірде ҚР Сыбайлас жемқорлыққа қарсы іс-қимыл агенттігінің Алматы облысы бойынша департаментінің қызметкерлері және Еңбекшіқазақ ауданының әкімдігімен, ауыл шаруашылығы басқармасымен, Д. Қонаев атындағы Үлкен Алматы каналы "Қазсушар" филиалымен ирригациялық желілер саласында жүргізілген сыбайлас жемқорлыққа қарсы тақырыптық мониторинг ұсынымының орындалуын талқылау бойынша өңір шаруаларымен кездесу өткізді", делінген хабарламада.
Ирригациялық желілердің қызмет саласына жүргізілген мониторинг негізінде 3 ұсыным әзірленген болатын:
1. барлық суару желілерін оның теңгеріміне бере отырып, Алматы облысының су шаруашылығының бірыңғай операторын құру, ауыл шаруашылығы тауарын өндірушілермен келісім бойынша бірыңғай тарифті бекіту және арналарды күтіп ұстау жөніндегі міндеттерді айқындау;
2. Прокуратурамен, Табиғи монополияларды реттеу Комитетінің Департаментімен және облыстың мемлекеттік кірістер департаментімен бірлесіп ӘКК қызметінде тексеруге бастамашылық етуге;
3. Д. Қонаев атындағы Үлкен Алматы каналы "Қазсушар" филиалымен бірлесіп, оның мүмкіндіктерін талдауды ескере отырып, а.ж. суармалы су беру бойынша шаруа қожалықтарымен тікелей шарттар жасасуды қамтамасыз ету.
Сыбайлас жемқорлыққа қарсы қызметтің ұсынымдары негізінде Алматы облысының "Алматы облыстық Су шаруашылығы" коммуналдық кәсіпорны түріндегі бірыңғай Су шаруашылығы операторы құрылды, оның балансына барлық суару желілері (шамамен 680 км) берілді.
Д. Қонаев атындағы Үлкен Алматы каналы 2023 жылға 1 шаршы метрі үшін белгіленген тарифпен 0,7 теңгемен шаруа қожалықтарымен тікелей шарт жасай бастады.
Айта кету керек, бұған дейін Үлкен Алматы каналы мен шаруалар арасында шаруаларға су беретін ауылшаруашылық кооперативтері болған. Олар 1 гектарға суды 20 000 – 28 000 теңгеден сатып келген, бұл орташа есеппен бұған дейінгі тарифтің 1 шаршы метрі үшін 2 теңгеден асқанын білдіреді.
Сурет: ҚР Сыбайлас жемқорлыққа қарсы іс-қимыл агенттігінің Алматы облысы бойынша департаменті
