6 мамырда сағат 3:06 шамасында 102 арнасына Алмагүлы қшам ауданы бойындағы көпқабатты үйдің 16 қабатынан белгісіз ер адамның секіргелі тұрғаны жөнінде хабарлама келіп түскен.
Оқиға орнына Атырау қалалық ПБ-ның патрульдік полиция батальонының взвод командирі Данабек Сақуов және қызмет инспекторлары Айдос Кубиев пен Серік Жолдығалиұлы дереу жетіп, тез арада жоғары қабатқа көтерілген.
"Ер адам олардан өзіне жақындамауын ескертіп, айқайлай бастаған. Жағдайды бағдарлай отырып, полицейлер ер адаммен диалог құруға тырысып, ығайлы сәтті күтіп, шапшаң қимылдап, арқасынан ұстап, балконның ішіне тартып кіргізген", делінген полиция хабарламасында.
Қазір 23 жастағы ер азаматтың мұндай іс-әрекетке не үшін барғаны анықталып жатыр. Психологтармен бірлесіп онымен профилактикалық жұмыстар жүргізілуде.