БАҚ өкілдері экс-министр Юрий Ильиннің Абай облысындағы өрт ісі бойынша қандай мәртебеге ие екендігін сұрады: куәгер ме әлде жауапқа тартылушы ма?
"Одан куәгер ретінде сұрақ-жауап алынды, бар болғаны сол. Оның ешқандай мәртебесі жоқ, куәгер ретінде де. Қазір тергеу жүріп жатыр", - деді Берік Асылов.
Ол бұл іс бойынша жоғары лауазымды шенеуніктердің ешқайсысынан әлі жауап алынбағанын айтты.
"Өрт әлі сөндіріліп жатыр, сондықтан біз мамандар мен өрт сөндірушілерге кедергі жасамайық дедік. Өрт қалай сөндіріледі, солай тергеу барысында біз сұрақ-жауап алуды бастаймыз", - деді ол.
19 маусымда Экология министрі Зүлфия Сүлейменова өрттің әлі сөндірілмегенін айтты. Ол өрт оқшауланғанымен, оны толық жойылды деп айтуға әлі ерте екенін баса атап өтті.
