Аталған ерекше затты аудан орталығының тұрғындары Ерейментау қаласының шетіндегі қараусыз қалған қоқыс полигонының аумағында металл жинау кезінде кезіктірген. Снарядты көрген ақмолалықтар дереу құқық қорғау органдарына хабарласқан.
"ПД техниктерінің бастапқы тексеру қорытындысына сәйкес, бұл зат коррозиямен толық тот басқан 125 мм фугасты снаряд екені анықталды. Қауіпсіздікті қамтамасыз ету мақсатында табылған қару сол жерде жойылды жән оның сынықтары сараптамаға жолданды", делінген полиция хабарламасында.