ШҚО ПД баспасөз қызметінің мәліметінше, Қалбатау ауылынан Өскеменге бағыт алған Mercedes көлігінің жүргізушісі қауіпсіздік ережелерін елемеген. Арақашықтық пен жылдамдық режимін сақтамаған ол КАМАЗ көлігіне соғылған.
"Соқтығысу салдарынан зардап шеккен көлік жүргізушісі мен екі жолаушы медициналық мекемеге жеткізілді", делінген хабарламада.
Mercedes жүргізушісіне қатысты ҚР ӘҚБтК 610-бабының 1-бөлігі бойынша әкімшілік хаттама толтырылды, оған сәйкес көлік иесіне 20 АЕК мөлшерінде айыппұл салынады немесе алты айға дейінгі мерзімге көлік құралын басқару құқығынан айырылады.