Өңір полициясының мәліметінше, жоғалған қыздардың бірінің жасы 14-те, екіншісі - 15-те.
Калиева Назым - басында қоңыр түсті орамалы бар, тізеге дейін түсетін қоңыр күрте, аяғында қара түсті етік, шашы ұзын қара түсті, бойы шамамен 168-170 см, дене бітімі арық.
Калиева Диляра - тізеге дейін түсетін сұр түсті күрте, аяғында қара түсті етік, шашы қоңыр, бойы шамамен 160-173 см, арық денелі. Екеуінің де қолында рюкзак бар.
"Жоғалған кәмелетке толмағандарды іздеуге Ақтөбе облысы ПД жеке құрамы және Zello Poisk еріктілері жұмылдырылды", делінген полиция хабарламасында.
Құқық қорғау органы қандай да бір ақпарат болса 102 немесе 8-776-546-66-66 телефондары арқылы хабарласуды сұрайды.