Екі жағдайда әйелдер сотқа жалған анықтамалар мен жүктілігі туралы ультрадыбыстық қорытынды берген. Мұндай жалған құжаттарды пайдалану Кодекстің 50-бабына сай оларды қамауға алуға мүмкіндік бермейді.
Тағы да бір мысал: кәмелетке толмаған баласының бар екенін көрсеткен жалған құжаттарды сотқа ұсынған аудан әкімдігінің бір бөлім басшысының әрекеті.
Аудандық сот осы анықтама негізінде оны қамауға алудан босатқан. Прокуратураның тексеруі оның уәжін жоққа шығарды. Ол берген деректі тексергенде оның кәмелетке толмаған баласы мүлде жоқ болып шыққан.
"Барлық сот шешімі прокурордың өтінішімен қайта қаралып, қамауға алу түріндегі жаза қолданылды. Уәкілетті органдар ресми құжаттарды қолдан жасау фактілері бойынша да сотқа дейінгі тергеп-тексеруді бастады", - деді облыс прокуроры Мадияр Басшыбаев.
