Ведомство 2024 жылы 12 сәуірде қалада сағат 09:15-тен 11:00-ге дейін "Maxi Mall" СОО-да (Әуезов көшесі, 47Б) оқу-жаттығу шараларын өткізу жоспарланып отырғанын хабарлады.
"Терроризмге қарсы күрес жөніндегі жедел штабтың лаңкестік көріністерге шұғыл ден қою жөніндегі күштері мен құралдарының іс-қимылдары пысықталатын болады. Сауда орталығының айналасында шектеу шаралары қарастырылған. Қала тұрғындарынан уақытша шектеулерге түсіністікпен қарауға, қауіпсіздік шараларын сақтауға және мемлекеттік органдардың заңды талаптарын сақтауға шақырамыз әрі тек ресми дерек көздерге сүйеніп, жалған ақпарат таратпауды сұраймыз", делінген хабарламада.
6 сәуірде Астанадағы Mega Silk Way СОО-да да оқу-жаттығу өткізілген болатын.