Алматы қалалық ТЖД-ның басшысы Instagram-дағы парақшасында үндеу жариялады.
"Құрметті әріптестер, достар! Менің атымнан алаяқтар ақша сұрап, хабарлама жолдауда. Мұндай хабарламаларға жауап бермеулеріңізді сұраймын. Өйтпеген жағдайда Сіздердің де мәліметтеріңізге қол жеткізу үшін телефон жадысын "бұзып кіруі" мүмкін", - деп жазды Нұрлан Атығаев.
2024 жылғы 11 сәуірде Олжас Бектеновтың атынан жалған хабарламалар тарап жатқаны белгілі болды. Түркістан облысының әкімі Дархан Сатыбалды да, Алматы облысының әкімі Марат Сұлтанғазиев те осындай жағдайға тап болды. Кейінірек кейбір азаматтар Білім министрі Ғани Бейсембаевтан да хабар ала бастады.